Ritröð Guðfræðistofnunar - 01.01.1994, Page 131
Þórir Kr. Þórðarson
Akedahi: Freisting Abrahams?1 2
í tilefni Biblíuútgáfunnar 1981
Árið 1981 kom út ný prentun íslensku Biblíunnar, eins og öllum er kunn-
ugt. Hvað Gamla testamentið snertir er hún í öllum höfuðatriðum ekki ann-
að en ný prentun þýðingarinnar frá 1908/1912. Þrátt fyrir nokkrar umbætur
er texti Gamla testamentisins í 1981-prentuninni í meginatriðum sá sami og
1912. Hér er því ekki um nýja þýðingu að ræða, ekki einu sinni endurskoð-
un. Að vísu var textinn bættur sums staðar, og í sálmum Saltarans (Davíðs-
sálmum) var um verulegar endurbætur að ræða, sem gerðar voru í því
augnamiði að gera þá eðlilegri til notkunar í guðsþjónustu einstaklings og
safnaðar.
Þýðingin frá 1908/1912 varð að mestu til á síðustu öld. Og það segir sig
sjálft að á nærri heilli öld, sem síðan er liðin, hafa orðið miklar framfarir í
málvísindum, textafræðum og biblíuvísindum almennt sem gera okkur bet-
ur kleift en áður að skilja texta Biblíunnar og njóta hans. Það er því að
minni hyggju eitt brýnasta verkefni íslensku þjóðarinnar að ráðast í alger-
lega nýja þýðingu Gamla testamentisins í ljósi þess besta í rannsóknum á
textanum sem varpar skærara ljósi á boðskap hans til mannanna3.
Af því að ég vann sjálfur að nýju prentuninni frá 1981 er það af með-
fæddum hégómaskap að mig langar til þess að fólk finni muninn við nýja
textann, kunni að meta skiptingamar í kafla með fyrirsögnum, sem gefa
innihaldið til kynna. Og satt best að segja þá liggur mikil vinna í þessum
kaflayfirskriftum, þótt þær láti lítið yfir sér. — Svo voru sett greinaskil þar
sem þurfti, en víða voru þau fá í 1912-útgáfunni og jafnvel svo að slengt
var saman mörgum smáköflum í spámannaritunum þótt ekkert samband
væri á milli hinna einstöku guðmæla, svo að lesandinn átti erfitt með að
fóta sig á því sem hann las.
1 Nafn kaflans í gyðinglegri hefð: 'aqedah: “ísak bundinn.”
2 Eitt síðdegiserinda um Gamla testamentið sem flutt voru í Neskirkju haustið 1988.
3 Nú hefur verið ráðist í þetta verk skv. samningi milli Guðfræðistofnunar Háskóla
íslands og Hins íslenska Biblíufélags undir forystu biskups.
129