Ritröð Guðfræðistofnunar - 01.01.1994, Page 185
Félagsmálastofnun Reykjavíkurborgar komið á fót
Þá hefur verið unnið að því á sl. ári og í ár að koma á fót styrkjakerfi til
félagsráðgjafanáms og námskeiðum innanlands fyrir félagsmálastarfsfólk.
Er fyrri þátturinn kominn til framkvæmda.
Það getur engum komið á óvart að félagsmál og félagsleg þjónusta hins
opinbera skipi veglegan sess á verkefnaskrá þeirra sem um málefni
nútímaþjóðfélags fjalla, svo mjög hefur þjóðfélagsskipan vestrænna þjóða
raskast seinustu áratugina, og sennilega hafa hamskiptin hvergi verið
sneggri né valdið meiru umróti í lífi félagsheilda og einstaklinga en hér á
okkar landi. Hvarvetna um hinn siðmenntaða heim hefur mönnum orðið
tíðrætt um það á árunum eftir síðari heimsstyrjöldina, að upp væri runnin
ný öld. Hefur hún hvorki verið kennd við skáldskap, listir né andleg
verðmæti, heldur við kjamorku og geimferðir.
Á slíkum tímum sem þessum verður manni hugsað til þess að
mannlegum verðmætum kunni að vera hætta búin af tæknivæðingu og
vélamenningu, og það svo mjög að á alþjóðlegum rástefnum er það ekki
ótítt að það séu einmitt verkfræðingamir og vísindamenn tæknifræðinnar
sem vekja máls á þeirri nauðsyn að enn ríkari áherslu beri að leggja á
eflingu hinna mannlegu, húmanísku verðmæta. Þannig má geta þess að
jafnhliða ríkri áherslu á uppbyggingu tæknilegra vísinda við evrópska
háskóla er krafist aukinna átaka til eflingar hinna skapandi hæfileika
mannsins á andlega sviðinu, og þessi krafa er ekki sjaldan fram borin af
tæknimönnunum sjálfum. í þjóðfélagsumróti áratuganna eftir síðari
heimsstyrjöld hafa nágrannaþjóðir okkar hafið uppbyggingarstarf sem
miðar að hollari og heilnæmari lífsháttum félagsheildanna í því skyni að
verjast skaðlegum áhrifum hinna breyttu þjóðfélagshátta, og jafnframt til
þess að óhjákvæmilegar þjóðfélagsbreytingar geti átt sér stað án þess að
þjóðfélagið hljóti skaða af. Hér á ég t.d. við hina breyttu stöðu heimilisins í
nútíma þjóðfélagi.
í nágrannalöndum okkar hefur átt sér stað fjölþætt lagasmíð í
félagsmálum á árunum eftir stríð, sem miðað hefur að víðtækum umbótum
á félagsmálasviðinu. Þessi nýju lög eru athyglisverð, þótt í misjafnlega
ríkum mæli sé, og eru vitskuld reist á langri starfsreynslu færustu manna í
þjóðfélögunum sem eiga sér aldalanga sögu þéttbýlis að baki. Þá eru þau
reist á haldgóðri, vísindalegri þekkingu og eru því athyglisverðari, sem
þekkingu manna á þróunarferli félagsheilda fleygir örar fram á hinum
umbreytingasömu tímum okkar en nokkru sinni áður.
183