Ritröð Guðfræðistofnunar - 01.01.1994, Page 192
Þórir Kr. Þórðarson
þessi mál verið í undirbúningi í Gautaborg frá haustinu 1959 eða um 7 ára
skeið.
í Noregi hafa félagsmál sveitarfélaga verið felld undir eina stjóm
félagsmálaráðs með lögum frá 1964. En það vekur athygli, að sam-
ræmingin er þar fyrst og fremst fyrirmynd, markmið til þess að stefna að.
Sveitarfélögin þar í landi og mörg hin stærstu eiga langt aðlögunartímabil
framundan og eru því mörg hver á fyrra stigi samstarfsmálanna.
Hér hjá okkur má segja, að farið sé aftan að hlutunum. Sveitarfélag, að
vísu hið stærsta, ríður á vaðið um nútímastarfsaðferðir í félagsmálum og
vonar að lagaheimild fáist, svo að hægt sé að koma kerfinu á. En þessi
aðferð ætti að vera fljótvirkari. Það tæki mjög langan tíma að endurskoða
alla félagsmálalöggjöf landsins og mundi tefja málið. En þó ber að segja
það skýlaust, að brýna nauðsyn ber til þess að samin verði ný
heildarlöggjöf um félagsmál.
Um 5. gr. get ég verið stuttorður. Þegar rætt er um félagasamtök og
stofnanir sem að félags- og líknarmálum vinna, er átt við kirkjuna,
líknarfélög og ýmis áhugamannasamtök. Það er mjög mikilvægt að hið
opinbera taki ekki að sér alla forsjá félagsmála. Aftur á móti er það
æskilegt og í raun knýjandi að stofnanir svo sem kirkjan og samtök
áhugamanna taki að sér verkefni til félagslegra úrbóta í þjóðfélaginu og
félagslega þjónustu. Sérstaklega skal bent á hina geysimiklu þýðingu þessa
þáttar í félagsmálastarfi í Bretlandi.
í 7. gr. er vikið að öðrum mikilvægum þætti málsins. Er sérstök ástæða
til þess að vekja athygli á því að menntun starfsfólks er alger forsenda þess
að takast megi að koma nýjum starfsháttum á. Sá mikli hörgull sem er á
sérmenntuðu starfsfólki er mestur þrándur í götu eins og á stendur. Þarf því
að gefa þessu máli sérstakan gaum.
Hér nægir að benda á það sem áður var sagt um ráðstafanir borgarráðs
til þess að afla menntaðra félagsráðgjafa og um undirbúning undir
námskeið fyrir félagsmálastarfsfólk.
Mál mitt er þegar orðið allt of langt. Þótt freistandi væri að geta hinna
ýmsu leiða í þessu efni, svo sem stofnun félagsmálaskóla annars vegar og
kennslu í hagnýtum þjóðfélagsvísindum við Háskóla íslands hins vegar læt
ég hér staðar numið.
En að lokum vildi ég geta þess að þessar tillögur hafa átt sér langan
aðdraganda, í rauninni aðdraganda margra ára. En þær eru áreiðanlega
190